सोलापुरात भाजप कार्यकर्त्यांकडून पैसे वाटतानाच व्हिडीओ सोशल मीडियावर वायरल
भाजप कार्यकर्ते आणि काँग्रेस कार्यकर्त्यांत झटापट
सोलापूर मधील प्रभाग क्रमांक २२ मध्ये भाजप कार्यकर्ते पैसे वाटत होते असा आरोप विरोधकांनी केला
सोलापूर : सोलापूर महानगरपालिका निवडणूकीच वातावरण चांगलंच तापलं आहे. प्रभाग २२ मध्ये भाजप उमेदवार अंबिका नागेश गायकवाड यांचे चिरंजीव प्रेम नागेश गायकवाड व मोहित गायकवाड हे पैसे वाटत असतानाचा व्हिडीओ सोशल मीडियावर वायवरल झाला आहे. काँग्रेस उमेदवार कुणाल गायकवाड यांनी पैसे वाटप करताना रंगेहात पकडले आहे. भाजप कार्यकर्त्यांना पैसे वाटत असताना रंगेहाथ पकडताना,काँग्रेस कार्यकर्ते आणि भाजप कार्यकर्त्यांत झटापट झाली आहे.
निवडणुकीच्या आदल्या दिवशी प्रकार - सोलापूर महानगरपालिका निवडणुकीच्या पार्श्वभूमीवर सोलापुरातील विविध प्रभागात सर्वच कार्यकर्ते बारीक लक्ष ठेवून आहेत. सोलापूर शहरातील प्रभाग क्रमांक २२ मध्ये निवडणूक आचारसंहितेचा भंग झाल्याचा गंभीर प्रकार उघडकीस १४ जानेवारी २०२६ रोजी सकाळी उघडकीस आला आहे. भाजपच्या उमेदवार अंबिका नागेश गायकवाड यांचे चिरंजीव प्रेम नागेश गायकवाड आणि मोहित गुरुदत्त गायकवाड हे मतदारांना मोदी हुडको येथे पैसे वाटप करत असताना प्रभाग २२ मधील काँग्रेसचे उमेदवार कुणाल गायकवाड यांनी त्यांना रंगेहात पकडले.
ताबडतोब निवडणूक अधिकाऱ्यांना तक्रार केली - घटनेनंतर मोदी हुडको परिसरात एकच खळबळ उडाली होती. पालिका निवडणूक काळात मतदारांना पैशांच्या माध्यमातून प्रभावित करण्याचा हा प्रकार लोकशाही मूल्यांना तडा देणारा असल्याचे स्थानिक नागरिकांनी सांगितले. घटनेची माहिती मिळताच काँग्रेस कार्यकर्ते घटनास्थळी जमा झाले. काँग्रेसचे उमेदवार कुणाल गायकवाड यांनी सदर प्रकाराची तात्काळ माहिती निवडणूक प्रशासन व पोलिसांना दिली असून दोषींवर कडक कारवाई करण्याची मागणी केली आहे. सत्ताधारी भाजपकडून पैसे वाटप करून निवडणूक जिंकण्याचा प्रयत्न सुरू असल्याचा आरोपही त्यांनी केला.
