पुणे : नागरिकांना जलद,पारदर्शक आणि सुलभ सेवा देण्याच्या उद्देशाने महसूल विभागाने विविध ऑनलाइन सेवांमध्ये उल्लेखनीय कामगिरी केली आहे. विभागाच्या १० सेवा राज्यातील कार्यक्षमतेच्या निकषांवर प्रथम क्रमांकावर आल्या असून, कागदपत्रे व मंजुरीची प्रक्रिया अधिक सोपी आणि नागरिकाभिमुख करण्यात यश आले आहे.
महसूल विभागाने डिजिटल तंत्रज्ञानाचा प्रभावी वापर करून विविध प्रमाणपत्रे,उतारे,परवानग्या आणि मंजुरी प्रक्रियेमधील अनावश्यक अडथळे दूर केले आहेत. त्यामुळे नागरिकांना शासकीय कार्यालयांमध्ये वारंवार फेऱ्या मारण्याची गरज कमी झाली असून,अनेक सेवा आता ऑनलाइन उपलब्ध झाल्या आहेत.
विभागाने सेवा वितरणातील वेळ कमी करण्यासोबतच अर्जांच्या पारदर्शक पडताळणीची व्यवस्था निर्माण केली आहे. यामुळे नागरिकांचा वेळ आणि खर्च वाचत असून, प्रशासनावरील विश्वासही वाढत आहे.
राज्य शासनाच्या ई-गव्हर्नन्स उपक्रमांतर्गत महसूल विभागाने केलेल्या सुधारणांमुळे सेवा वितरणाची गुणवत्ता उंचावली आहे. या यशामुळे विभागाच्या कार्यपद्धतीचे राज्यभर कौतुक होत असून,नागरिकांना अधिक वेगवान आणि प्रभावी सेवा मिळण्याचा मार्ग मोकळा झाला आहे.
"सुलभ सेवा,जलद मंजुरी आणि पारदर्शक प्रशासन" या सूत्रावर आधारित महसूल विभागाची ही कामगिरी राज्यातील इतर विभागांसाठीही प्रेरणादायी ठरत आहे.
