सोलापूरला ‘हरित शहर’ बनविण्यासाठी नागरिकांचा सहभाग आवश्यक
महिला बचत गटांनी वृक्ष लागवड आणि संवर्धनासाठी पुढाकार घ्यावा
पावसात भिजत अधिकारी,कर्मचारी आणि बचत गटाच्या महिलानी केले वृक्षारोपण
सोलापूर : सोलापूर शहरातील वनक्षेत्राचे प्रमाण वाढविण्यासाठी यंदाच्या पावसाळ्यात शहारतील उद्याने,रस्त्याची दुभाजके,मनपाच्या हद्दीतील खुल्या जागेमध्ये जास्तीत जास्त वृक्षलागवड करण्यासाठी विशेष मोहीम हाती घेण्यात येणार आहे. त्यानुसार शहरात 1 लक्ष वृक्षारोपण मोहीम राबविली जाणार असून शहरातील नागरिक,स्वयंसेवी संस्था आणि महिला बचत गटांनी यामध्ये सहभागी होवून वृक्षारोपण मोहीम लोकचळवळ बनवावी, असे आवाहन सोलापूर महानगरपालिका आयुक्त डॉ.सचिन ओम्बासे यांनी आज येथे केले. जागतिक पर्यावरण दिनानिमित माहिती आणि प्रसारण मंत्रालयाच्या केंद्रीय संचार ब्यूरो आणि सोलापूर महानगरपालिका यांच्या वतीने जिल्हा क्रीडा संकुल, कुमठा नाका येथे आयोजित वृक्षारोपण कार्यक्रमात डॉ ओम्बासे बोलत होते.
यावेळी उपायुक्त तैमूर मुलाणी,किरणकुमार मोरे, सहायक प्रसिद्धी अधिकारी अंबादास यादव,जिल्हा क्रीडा अधिकारी नरेंद्र पवार,सहायक आयुक्त मनीषा मगर,पशुवैद्यकीय अधिकारी डॉ.सतीश चौगुले,पर्यावरण संवर्धन अधिकारी अक्षय मोरे,उद्यान अधीक्षक किरण जगदाळे,वनपरिक्षेत्र अधिकारी सचिन जोशी,राष्ट्रीय नागरी उपजीविका अभियान व्यवस्थापक समीर मुलाणी आणि निवृत्त अधिकारी सतीश घोडके आदी उपस्थित होते.
आपल्या पुढील पिढ्यांसाठी पर्यावरणाचे संवर्धन करणे ही आपली जबाबदारी आहे. यासाठी सोलापूर शहरातील प्रत्येक व्यक्तीने वृक्षारोपण मोहिमेत सहभागी होणे आवश्यक आहे. प्रत्येकाने आपल्या घरासमोर किंवा अंगणात झाडे लावून ही मोहीम यशस्वी करण्यासाठी योगदान द्यावे. शहराला ‘हरित सोलापूर’ अशी नवी ओळख निर्माण करण्यासाठी प्रत्येकाचे सहकार्य महत्त्वपूर्ण आहे. यासाठी नागरिक आणि महिला बचत गटांनी वृक्षारोपण आणि वृक्षसंवर्धन मोहिमेत सक्रिय सहभाग नोंदवावा,असे आवाहन आयुक्त डॉ.सचिन ओम्बासे यांनी केले.
स्मार्ट सिटी प्रकल्पाच्या बैठकीसाठी आलेल्या नगर विकास विभाग (१) चे प्रधान सचिव असीम गुप्ता, पोलीस आयुक्त एम राजकुमार आणि मनपा आयुक्त डॉ. सचिन ओम्बासे यांचे हस्ते महापालिकेच्या आवारात वृक्षारोपण करण्यात आले. यावेळी गुप्ता यांनी उपस्थित अधिकारी,कर्मचारी आणि नागरिकांना जागतिक पर्यावरण दिनाच्या शुभेच्छा दिल्या.
अमृत 2.0 व दीनदयाळ अंत्योदय योजना - राष्ट्रीय नागरी उपजीवीका अभियानांतर्गत वूमन्स फॉर ट्रीस, एक पेड मां के नाम उपक्रमांतर्गत शहरातील मनपा कॅम्प प्रशाला,गांधी नगर,मनपा शाळा क्र २,मंगळवार पेठ आणि मनपा उद्यान,जानकी नगर,जुळे सोलापूर या ठिकाणी उपायुक्त तैमूर मुलाणी,किरणकुमार मोरे, सहायक प्रसिद्धी अधिकारी अंबादास यादव,सहायक आयुक्त मनीषा मगर आणि महिला बचत गटाकडून बकुळ, बहावा,मोहगनी,वड,पिंपळ,कदंब,करंज आणि सोनचाफा आदी देशी झाडांचे वृक्षारोपण करण्यात आले. यावेळी पर्यावरण संवर्धनाची शपथ घेण्यात आली आणि महिलांना पर्यावरणपूरक कापडी पिशव्यांचे वितरण करण्यात आले.
कार्यक्रमाच्या यशस्वीतेसाठी कार्यालय सहायक जे एम हन्नुरे,जनसंपर्क अधिकारी गणेश बिराजदार,पर्यावरण व्यवस्थापक स्वनिल सोलनकर,दिलीप भामरे,अध्यक्ष तबसुम बडेघर सचिव ज्योती शीरकुल सर्व समुदाय संघटक पल्लवी जिंदम,वसिम शेख,अंबादास जाधव, शशिकांत वाघमारे, जयश्री जाधव,नागेश क्षीरसागर, सागर गायकवाड, प्रियंका इंगळे,शीलाताई वाघमारे, राघवेंद्र अलकुंटे साईप्रसाद पोळ,गणेश हजारे,सुजाता जलदुर्ग,सत्यजित वडावराव,उज्ज्वला गणेश,उद्यान विभागाचे कर्मचारी सिद्राम बोराडे,सोमशंकर हलसंगी आदींनी परिश्रम घेतले.
चौकट - स्मार्ट सिटी प्रकल्पाच्या बैठकीसाठी आलेल्या नगर विकास विभाग (१) चे प्रधान सचिव असीम गुप्ता, पोलीस आयुक्त एम राजकुमार आणि मनपा आयुक्त डॉ. सचिन ओम्बासे यांचे हस्ते महापालिकेच्या आवारात वृक्षारोपण करण्यात आले. यावेळी गुप्ता यांनी उपस्थित अधिकारी,कर्मचारी आणि नागरिकांना जागतिक पर्यावरण दिनाच्या शुभेच्छा दिल्या.
