सोलापूर : दि.२६ (एमडी२४न्यूज) राज्यातील खाजगी आयुर्वेदिक व होमिओपँथी महाविद्यालयाने "बीएएमएस" या पदवी आभ्यासक्रमास सन २०२४ मध्ये व्यवस्थापन कोट्यातील प्रवेशाकरिता मागील वर्षाच्या फीच्या पाच पट फी बेकायदेशीर वाढ करून होतकरू व गरीब विध्यार्थ्यांचे हक्क व अधिकार डावलले गेले होते. यामुळे मानवी हक्क संरक्षण व जागृती या संस्थेच्या वतीने निवेदन शुल्क नियामक प्राधिकरनाला देत मागणी केली होती की,आयुर्वेदिक व होमिओपॅथी महाविद्यालयांनी व्यवस्थापन कोट्यातून दिल्या जाणाऱ्या बीएएमएस प्रवेशाकरिता मागील वर्षापेक्षा पाचपट शुल्कवाढ लागू केली आहे. सदरची केलेली शुल्क वाढ ही बेकायदेशीर आणि कायद्याचे व उच्चन्यायालय यांनी विविध दाव्यात दिलेल्या मार्गदर्शक सुचनांचे उल्लंघन करीत केलेली शुल्क वाढ आहे. तसेच कायद्याप्रमाणे शुल्क नियामक प्राधिकरणाच्या आदेशापूर्वीच सदरची शुल्कवाढ राज्यातील खाजगी आयुर्वेदिक व होमिओपँथी महाविद्यालयाने यांनी केली आहे. यामुळे विद्यार्थी व पालकांमध्ये संभ्रमावस्था निर्माण झाला होता.
खासगी महाविद्यालयांच्या व्यवस्थापन कोट्यातील अभ्यासक्रम शुल्कामध्ये वाढ करताना शुल्क नियामक प्राधिकरणाचे शुल्क वाढीसंदर्भात आदेश होणे महत्त्वाचे असते. अशा स्थितीत अद्याप प्राधिकरणाने कोणतेही लेखी आदेश काढलेले नसताना देखील पाचपट शुल्क मंजूर होणार हे गृहीत धरून महाराष्ट्रातील बहुतांश आयुर्वेद महाविद्यालयांनी पाचपट शुल्कवाढ केली होती. ती त्वरित मागे घेण्याची मागणी मानवी हक्क संरक्षण व जागृती या संस्थेचे महाराष्ट्र सल्लागार कमिटी अध्यक्ष ॲड.सांगळे यांच्या मार्गदर्शनाखाली संस्था अध्यक्ष विकास कुचेकर,संचालक अण्णा जोगदंड यांनी शुल्क नियामक प्राधिकरनाकडे निवेदन सादर करून राज्यातील खाजगी आयुर्वेदिक व होमिओपँथी महाविद्यालयाने बेकायदेशीर पणे "बीएएमएस" या पदवी आभ्यासक्रमास सन २०२४ मध्ये व्यवस्थापन कोट्यातील प्रवेशाकरिता मागील वर्षाच्या फीच्या पाच पट फी घेतल्याने आर्थिक दृष्ट्या मागास व गरीब गुणवंत विद्यार्थी या प्रवेशापासून वंचित करण्याचा शुल्क वाढ त्वरित रद्द करण्याची केलेल्या मागण्यानुसार प्राधिकरणाने दिनांक १० ऑक्टोबर २०२४ रोजी सूचना पत्र काढून बेकायदशीर केलेली शुल्क वाढ रद्द केलेली असल्याची माहीत संस्थेचे सचिव मनिष देशपांडे यांनी एमडी२४न्यूजशी बोलताना दिली.
