सोलापूर : दि.२४ (प्रतिनिधी) सोलापूर शहरातील औषध प्रशासनाने कारवाईचा फास आवळत शहर आणि ग्रामीण भागातील १५ मेडिकल स्टोअरवर प्रतिबंधात्मक कारवाई केली आहे. तसेच ग्रामीण भागातील तीन मेडिकल स्टोअरवर बनावट अँटी बायोटिक विक्री करताना कारवाई केली आहे. यामुळे सोलापूर शहर आणि ग्रामीण भागात असलेली मेडिकल दुकाने तपासणी करून बनावट औषधे विक्री करणाऱ्यावर कडक कारवाई करणार असल्याची माहिती सहायक ड्रग आयुक्त धनंजय जाधव आणि ड्रग इन्स्पेक्टर सचिन कांबळे यांनी दिली. सोलापुरातील नातेपुते भागात झिफी (ZIFI) एफडीसी कंपनीचे बनावट अँटीबायोटिक औषध सापडले आहे. त्यामुळे मोठी खळबळ उडाली असून अँटीबायोटिक औषधची लॅब टेस्ट केली असता,त्यामध्ये अँटीबायोटिक नसून शुगर आणि डायक्लो निघाले असल्याची धक्कादायक माहिती समोर आली आहे.
मेडिकल स्टोअरमघ्ये बनावट अँटिबायोटिक गोळ्या आढळल्याने खळबळ - सोलापुरातील नातेपुते येथे बनावट अँटी बायोटिक औषध क्षेत्रात एफडीसी कंपनीच मोठं जाळं आहे. याचे औषध प्रतिनिधी देखीक काम करताना दिसतात.आणि एफडीसी कंपनीचे वेगवेगळे औषध बाजारात उपलब्ध आहेत. पण एका सुजाण नागरिकाच्या सतर्कतेने नातेपुते (तालुका- माळशिरस, जिल्हा- सोलापूर) येथे एका मेडिकल दुकानात एफडीसी कंपनीचं बनावट औषध विक्री होत असल्याची माहिती प्राप्त झाली.
सोलापुरातील धक्कादायक घटना गुप्त - माहितीच्या आधारे औषध कार्यालयाने कारवाई केली आणि झिफी -२०० मिलीग्राम नावाचा औषध तपासणीसाठी जप्त केले. त्याची लॅब टेस्ट केली असता त्यामध्ये अँटीबायोटिकच उपलब्ध नव्हते. एका बॉक्समधील औषधामध्ये शुगर आणि एकात डायक्लो असे कंटेंट प्राप्त झालं. लॅब टेस्टनंतर अधिक तपास करून नातेपुते अकलूज येथील तीन मेडिकल स्टोअरवर प्रतिबंधात्मक कारवाई करण्यात आली.
फार्मासिस्ट नसणाऱ्या औषध दुकानांवर कारवाई - सोलापूर शहरात आणि ग्रामीण भागातील अनेक मेडिकल स्टोअरमध्ये फार्मासिस्टच लायसन्स भाड्याने घेऊन, दुसरीच व्यक्ती मेडिकल स्टोअर चालवत होते. त्यांची तपासणी करून त्यांचे परवाबे निलंबित करण्यात आले आहेत. एप्रिल २०२२ ते १५ ऑगस्ट २०२२ पर्यंत एकूण ४० दुकानांवर कारवाई करण्यात आली आहे. यामध्ये औषधांवरील तारीख संपणे, औषध खरेदीनंतर बिल न देणे, स्केड्युल्ड यादीमधील औषध डॉक्टरांच्या चिट्टीविना विक्री करणे अशा त्रुटी आढळल्याने ही कारवाई करण्यात आली आहे.
सोलापुरात ३५०० मेडिकल स्टोअर - कोरोना काळात मेडिकल दुकानांना महत्व आले आहे. त्यामुळे अनेक नागरिकांनी मेडिकल स्टोअरचे दुकान उभे केले आहे. पण नियमांची पायमल्ली होत असल्याच्या अनेक तक्रारी प्राप्त झाल्या होत्या. सोलापूर येथील सहायक ड्रग आयुक्त यांनी माहिती देताना सांगितले की, कोणतेही औषध डॉक्टरांच्या चिठ्ठीविना देऊ नये. जे फार्मासिस्ट आहेत त्यांनी मेडिकल स्टोअरमध्ये उपलब्ध असणे आवश्यक आहे. प्रत्येक औषधांचे रीतसर बिल देणे आवश्यक आहे. या नियमांचा उल्लंघन करणाऱ्यावर कारवाई केली जाणार आहे.
