सोलापूर : साहित्यरत्न लोकशाहीर अण्णा भाऊ साठे विकास महामंडळ (मर्या) मार्फत मांग,मातंग,मिनी-मादीग,मादीग,दानखणी,महाशी,मदारी,राधेमांग,गोराडी, मादगी व मादिगा या समाजातील नागरिकांच्या आर्थिक उन्नतीसाठी अनुदान योजना,बीजभांडवल योजना व थेट कर्ज योजना राबविण्यात येत आहेत.
शासनाच्या 20 कलमी कार्यक्रमांतर्गत सन 2025-26 या वित्तीय वर्षासाठी भौतिक व आर्थिक उद्दिष्ट प्राप्त झाले असून,जिल्हा कार्यालय सोलापूरमार्फत दिनांक 22 सप्टेंबर ते 6 ऑक्टोबर 2025 दरम्यान कर्ज मागणी अर्जांचे वितरण व स्वीकृती प्रक्रिया राबविण्यात येणार आहे. या कालावधीनंतर अर्ज स्वीकारले जाणार नाहीत.
अर्जदारांनी स्वतः जिल्हा कार्यालयात उपस्थित राहून अर्ज व आवश्यक कागदपत्रांची माहिती घ्यावी. फक्त परिपूर्ण कर्ज प्रकरणेच स्वीकारली जातील. त्रयस्थ व्यक्तीमार्फत अर्ज स्वीकारले जाणार नाहीत. बीजभांडवल व थेट कर्ज योजनेंतर्गत मंजुरीनंतर जामीनदार देणे आवश्यक राहील.
तरी वरील समाजातील गरजू व होतकरू नागरिकांनी महामंडळाचे जिल्हा कार्यालय,डॉ.बाबासाहेब आंबेडकर सामाजिक न्याय भवन,सात रस्ता,सोलापूर येथे संपर्क साधावा,असे आवाहन प्रशांत तेलंग,जिल्हा व्यवस्थापक, साहित्यरत्न लोकशाहीर अण्णा भाऊ साठे विकास महामंडळ यांनी केले आहे.
