भाजप आमदाराचे वादग्रस्त वक्तव्य;कोणी आडवा आला तर कमरेत लाथा घाला
सोलापूर : उत्तर सोलापूर विधानसभा मतदार संघाचे भाजप आमदार विजयकुमार देशमूख यांनी भाषण करताना वादग्रस्त वक्तव्य केले आहे. सोलापूरमधील एका घटनेने सर्वांचे लक्ष वेधून घेतले आहे. सोलापूरमध्ये एका तडीपार गुंडाने आयोजित केलेल्या कार्यक्रमाला भाजप आमदार विजयकुमार देशमुख यांनी उपस्थिती लावली होती. एवढेच नव्हे तर या कार्यक्रमाच्या विजयकुमार देशमुख यांनी भाजपच्याच शहराध्यक्षाला सुनावले. शहर अध्यक्षांचे वागणे चुकीच आहे,असे विजयकुमार देशमुख यांनी म्हटले. तसेच बाहेरील पक्षातून भाजपमध्ये येऊन कार्यकर्त्यांना दमदाटी करणाऱ्यांना कमरेत लाथ घाला, असे वादग्रस्त वक्तव्य केले आहे. भाजप आमदार विजयकुमार देशमुख यांच्या य वक्तव्यान राजकीय क्षेत्रात मोठी चर्चा सुरु आहे. बाहेरून भाजप पक्षात आलेल्याना देखील भाजप आमदार विजयकुमार देशमूख यांनी टोला लागावल्याने पक्षातील अंतर्गत धुसफूस पुन्हा एकदा चव्हाट्यावर आली आहे.
तडीपार गुंडाच्या कार्यक्रमाला बीजेपी आमदाराची हजेरी - सोलापूर शहर पोलीसांनी सोलापूर आणि धाराशिवमधून श्रीशैल हुळ्ळे यास तडीपार केले आहे. अनिल हुळ्ळे य तडीपार गुंडाने सोलापूर शहरात एक कार्यक्रम आयोजित केला होता.या जनसंवाद बैठकीला भाजप आमदार विजयकुमार देशमुख यांनी हजेरी लावली होती. समाजाची बैठक का घेतली असं काही लोकं म्हणतात,जर असं कोणी दमदाटी करत असेल तर त्याच्या कमरेत लाथ घाला,त्यात कसलीही हयगय करू नका. कोणीतरी कुठल्या तरी पक्षातून इकडं आमच्याकडं चमचेगिरी करत यायचं,इथं येऊन दादागिरी करत असेल तर खपवून घेऊ नका,आपण सगळे वीरशैव लिंगायत आहोत,असे देशमुख यांनी म्हटले आहे. भाजप आमदार विजयकुमार देशमुख यांच्या य वक्तव्याने राजकीय क्षेत्रात खलबळ उडाली आहे.
