सोलापूर : श्री वटवृक्ष स्वामी महाराज देवस्थान अक्कलकोट येथे पर्यावरण मंत्री पंकजा मुंडे यांनी भेट देऊन प्लास्टिक बंदी बाबत सर्व भक्तांना आवाहन केले. याप्रसंगी प्लास्टिक बंदीचे महत्त्व समजावून सांगून कापडी पिशवीचा वापर करावा असे आवाहन केले.
प्लास्टिक मुक्त महाराष्ट्र या नियोजनुसार प्रथम राज्यातील सर्व तीर्थक्षेत्र प्लास्टिकमुक्त करण्याच्या नियोजनाप्रमाणे पर्यावरण मंत्री पंकजाताई मुंडे यांनी श्री वटवृक्ष स्वामी महाराज देवस्थान येथे भेट दिली. सर्व स्वामी भक्तांशी संपर्क साधून प्लास्टिक मुळे पर्यावरणावर होणारे दुष्परिणामाविषयी प्रबोधन केले . प्लास्टिक बंदीचे महत्त्व समजावून सांगितले. प्लास्टिक बंदी सक्तीचे करण्यात आल्याचे देखील यावेळी त्यांनी नमूद केले. प्लास्टिक मुळे कॅन्सर सारखा आजार देखील जडला जातो. याकरिता तीर्थक्षेत्र परिसरामध्ये प्लास्टिक कॅरीबॅगचा वापर न करता कापडी पिशव्यांचा वापर करावा. दुकानदाराने देखील माफक दरामध्ये कापडी पिशवी शिवून त्याचा वापर करावा.असे आवाहन याप्रसंगी पंकजाताई यांनी केला.
मंदिर समितीचे कारभार व स्वच्छता पाहून पंकजा यांनी समाधान व्यक्त केला. याप्रसंगी मधील समिती चेअरमन महेश इंगळे यांच्या हस्ते स्वामी प्रतिमा व स्वामी वस्त्र देऊन पंकजा मुंडे यांचा स्वागत करण्यात आला.
चौकट : पर्यावरणमंत्री पंकजाताई मुंडे यांनी केलेल्या आवाहनानुसार अक्कलकोट शहरामध्ये प्लास्टिक बंदीची कारवाई मोठ्या प्रमाणात सक्तीची केली जाईल . याकरिता नागरिक व व्यापाऱ्याने प्लास्टिक पिशवीचे वापर करणे टाळून कापडी पिशवीचा वापर करावा. - रमाकांत डाके (मुख्याधिकारी अक्कलकोट)
याप्रसंगी आमदार सचिन कल्याणशेट्टी,महाराष्ट्र प्रदूषण नियंत्रण मंडळाचे निखिल मोरे,मुख्याधिकारी रमाकांत डाके,श्री वटवृक्ष स्वामी महाराज देवस्थानचे चेअरमन महेश इंगळे,महेश हिंडोळे,प्रथमेश इंगळे,तालुका कृषी अधिकारी व विविध संस्थेचे पदाधिकारी,स्वामीभक्त मोठ्या संख्येने उपस्थित होते.
