सोलापूर : दि.१४ (एमडी२४न्यूज) केंद्र शासनाच्या भारतीय तंत्रविज्ञान संस्थेतील सन 2025-26 या शैक्षणिक सत्राकरिता तीन वर्षीय (सहासत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रवेशासाठी इच्छुकांनी 10 जून 2025 पर्यंत विहित नमुन्यातील अर्ज सादर करावेत, असे आवाहन वस्त्रोद्योग आयुक्त संजय दैने यांनी प्रसिद्धीपत्रकाव्दारे केले आहे.
महाराष्ट्रातून हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम वर्षाकरिता बरगढ (ओडिशा) येथे 13 + 1 तसेच वेंकटगिरी येथे 2 जागेच्या प्रवेशासाठी पात्र उमेदवारांची निवड करण्यात येणार आहे. यासाठी नागपूर, सोलापूर, मुंबई व छत्रपती संभाजीनगर येथील प्रादेशिक उपायुक्त वस्त्रोद्योग कार्यालयांमार्फत 10 जून 2025 पर्यंत विहित नमुन्यात प्रवेश अर्ज मागविण्यात आले आहेत. इच्छुक उमेदवारांनी याबाबतचे परिपूर्ण अर्ज 10 जून 2025 पर्यंत संबंधित प्रादेशिक उपायुक्त वस्त्रोद्योग कार्यालयाकडे सादर करावेत.
उमेदवारांकरिता अधिक माहिती, प्रवेश अर्जाचा नमुना व इतर अनुषंगिक माहिती वस्त्रोद्योग आयुक्तालयाच्या http.www.dirtexmah.gov.in या संकेतस्थळावर तसेच सर्व प्रादेशिक उपायुक्त, वस्त्रोद्योग यांच्या कार्यालयात उपलब्ध आहे,असे वस्त्रोद्योग आयुक्त संजय दैने यांनी कळविले आहे.
