सोलापूर : दि.१३ (एमडी२४न्यूज) क्रीडा विभागामार्फत शिवछत्रपती राज्य क्रीडा पुरस्कारांमध्ये जीवन गौरव पुरस्कार,उत्कृष्ट क्रीडा मार्गदर्शक,खेळाडू,साहसी उपक्रम, दिव्यांग खेळाडू व जिजामाता राज्य क्रीडा पुरस्कार (महिला क्रीडा मार्गदर्शक) असे विविध पुरस्कार प्रदान करण्यात येतात. त्यासाठी २६ जानेवारीपूर्वी ऑनलाईन अर्ज करण्याचे आवाहन करण्यात आले आहे.
नियमावलीनुसार सन २०२२-२३ या वर्षासाठीच्या पुरस्कारासाठी ज्येष्ठ क्रीडापटू, क्रीडा मार्गदर्शक,खेळाडू, साहसी,दिव्यांग खेळाडू आदींकडून दि. १४ ते २६ जानेवारी या मुदतीत ऑनलाईन अर्ज मागविण्यात येत आहे. क्रीडा विभागाच्या https://sports.maharashtra.gov.in या संकेतस्थळावरील ऑनलाईन अर्ज सादर करावा,असे आवाहन जिल्हा क्रीडा अधिकारी नरेंद्र पवार यांनी केले.
